ميدو: لاعيبة الزمالك لازم تعوض جماهيرها عن الاحراج اللي عيشناه

هنأ أحمد حسام ميدو، نجم الزمالك ومديره الفني الأسبق النادي الأهلي بالفوز العريض بخمسة أهداف مقابل ثلاثة في المباراة التي جرت أمس الجمعة ضمن منافسات الدوري.

وكتب ميدو عبر حسابه في تويتر: “صباح الخير على الجميع.. مبروك للأهلاوية يستحقوا فرحتهم بفريقهم كانوا نازلين مركزين وعندهم خطة للماتش واضحة وتعليمات واضحة من مدربهم اللاعيبه بينفذوها بكل تفاصيلها”.

وأضاف: “عكس لاعبي الزمالك اللي لازم معظمهم يبصوا في المرايه كويس ويسألوا نفسهم هما يستحقوا شرف اللعب للزمالك ولا لأ !”.

وتابع ميدو: “أكيد كارتيرون عنده اخطاء زيه زي اي مدرب بيصيب وبيخطئ ولكن اسهل حاجه القاء اللوم على المدرب”.

وأتم ميدو: “اللاعيبة لازم تراجع نفسها وتعرف ان مفيش اي حاجه هتعوض جمهور الزمالك عن الاحراج اللي كلنا عيشناه امبارح الا الفوز بالدوري السنه دي”.