عائلية بـ 7 مقاعد وأداء قوي.. أرخص عربية عائلية في مصر

لو بتدور على عربية عائلية تسع العيلة كلها في السفر والمشاوير، وفي نفس الوقت تجمع بين الشياكة والأداء.. جيتور X70 ممكن تكون من الخيارات اللي تستحق تعرف تفاصيلها.

وكيل جيتور في مصر أعلن أسعار ومواصفات جيتور X70، باعتبارها أرخص عربية عائلية 7 راكب للعلامة في السوق المصرية.

العربية بتعتمد على محرك 1.5 لتر تيربو، بقوة 156 حصان وعزم دوران 230 نيوتن متر، متصل بناقل حركة أوتوماتيك من 6 سرعات.

وكمان بتوفر مساحة تخزين مرنة في الشنطة، بتوصل لـ1052 لتر عند طي المقاعد، مع منظومة أمان تشمل فرامل ABS وEBD وESP، وحساسات ركن، وكاميرا 360 درجة، بالإضافة إلى وسائد هوائية لحماية الركاب.

أما التجهيزات، فتشمل شاشة مقاس 10.2 بوصة، وفتحة سقف بانورامية، ومقاعد جلدية كهربائية.

والعربية بتنزل في مصر بفئتين:

الفئة الأولى Comfort بسعر مليون و95 ألف جنيه.

والفئة الثانية Luxury بسعر مليون و240 ألف جنيه.

المصدر: بانكير سيارات