بيلبسوا «بنطلونات مقطعة».. عضو نقابة الأطباء: نشهد «انحداراً أخلاقياً» غير مسبوق بين طلاب كليات الطب

حذر الدكتور أحمد الشربينى، عضو مجلس نقابة الأطباء، من وضع التعليم الطبى ومظاهر الانحدار السلوكى داخل الكليات، مؤكداً أن ما يحدث حالياً بإنشاء كليات طب دون مستشفيات جامعية تشغيلية هو محاولة للخروج بـ «منتج غير مكتمل» يهدد أرواح المرضى ويسقط كفاءة الطبيب المصرى.

وقال الشربينى خلال تصريحات تلفزيونية ببرنامج أهل مصر، المذاع على قناة أزهرى،: «مفيش فى أى حتة فى العالم إننا نعمل كلية طب من غير مستشفى جامعى تشغيلى، المستشفى الجامعى هو اللى بيشكل شخصية الطالب، والتدريب الإكلينيكى جزء لا يتجزأ من التعليم. اللى بيحصل ده هيطلع أطباء غير كفء للتعامل مع المرضى».

وفجر عضو مجلس النقابة مفاجأة صادمة حول السلوكيات الراهنة لبعض طلاب الطب، قائلاً: «بنلاحظ انحدار فى الأخلاق بصورة غير مسبوقة!

زمان كنا بنروح الامتحان ببدلة وجرافتة، دلوقتى تلاقى الطالب داخل ببنطلون يوزد مقطع، وطالب تانى مش فاهم هو كاتب إيه ولا عارف هو داخل يمتحن مادة إيه أصلاً!

دول اللى بعد 10 سنين هيتحملوا مسؤولية المناصب ويعالجونا فى المستشفيات!».

وشدد الشربينى على موقف النقابة الصارم: «أنا بقولها بوضوح.. كان فيه قرار جمعية عمومية إننا كنقابة أطباء مش هنعترف بأى كلية طب ومش هنسجل خريجيها إلا لما يكون ليها مستشفى جامعى، وإحنا قادرين بأعضاء الجمعية العمومية نحمى المهنة والمرضى ونقف فى وش أى قرار بيحط صحة المواطن على المحك».

المصدر: المصرى اليوم